Poetry often used by Maulana Tariq Jamil is his bayans.

Jo laut ayen kuch kehna nahin ~ Bas dekhna unhey ghaur se
Inhey manzilon pe khabar hui ~ ke yeh rasta koi aur thaa

Baray shouq say sun raha tha zamana
Hum hi sogaye dastan kehtay kehtay

Tu idher udhar ki na baat ker
Yeh bata key kaflaa kiyun lutta
Mujhe rahzanoon se gilla nahin
Teri Rahbari ka swaal hai

Woh ravi k kenarey ik toota sa makan hai
Din ko b jahan shab ki siyahi saa saman hai
Kehtey hain k aramm gaa -e- noor jahan hai

Tuk hirs-o-hawa ko chhor main, mat des bades phire mara,
Qazzaq ajal ka loote hai, din raat baja kar naqqara;
Kya bidhiya, bhainsa, bel, shutar, kya goien, palla, sarbhara,
Kya gehun, chawal, moth, matar, kya aag, dhuan, kya angara,
Sab thath para rah jawega jab laad chalega banjara.
Gar tu hai lakhhi banjara, aur khep bhi teri bhari hai,
Ai ghafil; tujh se bhi charhta ik aur bara beopari hai,
Kya shakkar, misri, qand, giri, kya sambhar, meetha, khari hai,
Kya daakh, munaqqa, saunth, mirch, kya kesar, laung, supari hai,
Sab thath para rah jawega jab laad chalega banjara.
Tu bidhiya laade, bel bhare, jo purab pachhim jawega,
Ya sood barha kar lawega, ya tota, ghata, pawega,
Qazzaq ajal ka raste mein jab bhala mar girawega,
Dhan, daulat, naati, pota kya, ik kunba kaam na aawega,
Sab thath para rah jawega jab laad chalega banjara.

HUm khood taraashtey hain manazil kay sang e meel
hum wo nahi hain jin ko zamana bana gaaea